Ljósmyndasýningin Allt í Fókus opnaði í Ráðhúsi Reykjavíkur í dag.

Þar sýna 30 félagar mínir í Fókus, 100 ljósmyndir. Sýningin er hin glæsilegasta, en þemað var ALLT, þe. sýnendur höfðu alveg frjálsar hendur með val á myndefni. Fjöldi fólks mætti við opnunina í dag og virtust gestir vera mjög ánægðir með sýninguna.

Ein af myndunum mínum á sýningunni.

Ég hef verið félagsmaður í Fókus sl. tvö ár og er nú að hefja annað starfsárið í sýningarnefnd félagsins. Þar sem um afmælissýningu er að ræða buðum við upp á veglegar veitingar og fékk ég yngri dæturnar til að aðstoða við veitingamálin. Heiðdís mín stóð sig með stakri prýði, skenkti í glös og fyllti á bakka :)

Ég hvet þig til að kíkja við í Tjarnarsalnum við tækifæri og skoða sýninguna, en ég á þar fjórar myndir.

Athugasemdir

[Guðrún Emilía Guðnadóttir, 8.6.2009 kl. 21:26]

Það hefði nú verið gaman, en of langt að aka, ja svona fyrir mig.
Myndirnar þínar sem ég hef séð eru flottar.
Gangi þér vel Gúnna mín
Milla