Daglegt líf

Í gær var hálfur mánuður liðinn frá aðgerð á Heiðdísi.  Hún finnur enn mikið til - en tekur verkjalyf reglulega.  Í fyrstu átti hún erfitt með að setjast sjálf upp í rúminu og þarf stundum enn hjálp við það. Finnst gott að hafa fullt af koddum á bak við sig.

Í gærdag bökuðum við smákökur og Heiðdís pakkaði inn jólagjöfum.

Í gærkvöldi fór hún í fyrsta skipti út eftir spítaladvöl. Ekki var það nú lengra en í sjoppuna, þar sem keyptur var ís og leigður diskur.

 Í nótt vaknaði ég við að hún var að kveinka sér mjög mikið. Þá hafði hún sofnað á bakinu og snúið sér á hægri hliðina, en þar er spöngin saumuð við rifbein. Miklir verkir hjá henni, en tók pillu og náði að sofa lengi í morgun.

Núna er hún farin með pabba í smá jólastúss og jólagjafakaup. Hún var eitt sólskinsbros, enda búin að hlakka til alla vikuna. Litla systir "ógeðslega" fúl hér heima að fá ekki að fara með - en nú er tími leyndó-kaupa.

Í kvöld er ætlunin að skreyta jólatréð

Á manudaginn förum við til sjúkraþjálfara í Hafnarfirði. Hann er víst sérfræðingur í þjálfun fólks eftir svona aðgerð.

Góða helgi!

 

Athugasemdir

[Steingerður Steinarsdóttir, 17.12.2007 kl. 14:27]

Æ, blessuð stelpan. Þetta hlýtur að vera erfitt. Vonandi gengur þetta allt vel.

[Steingerður Steinarsdóttir, 23.12.2007 kl. 09:38]

Gleðileg jól þið öll og megi nýja ári verða Heiðdísi farsælt og gott.