Dagur 3

Verkjalyfin fara greinilega ekki mjög vel í magann á Heiðdísi. Hún vaknaði upp kl. 3 í nótt og kastaði töluvert  upp. Fyrir utan það náðu þau feðgin að sofa nokkuð vel þar til morgunvaktin mætti og morgunmaturinn. Reyndar rölti mín yfir ganginn um kl. hálf sex í morgun 

Broskalla-verkjastikan er í það barnalegasta,  þó svo við notum hana í bland þar sem hún hangir upp á vegg í stofunni. Heiðdís er látin segja hvernig verkirnir eru miðað við skalann 1-10. Sérfræðingarnir vilja að það sé ekki mikið meira en 4-5. Í morgun var það 7-8 og því átti að gefa henni extra skammt núna rétt fyrir hádegi. Alls ekkert óalgengt eftir svona aðgerð að gefa þurfi auka skammta fyrstu dagana. Hún hefur enga matarlyst en drekkur. Bað samt um að fá hnetutopp.

Við Elín Katrín erum á leið niður á sjúkrahús og ætlum að kaupa ís handa Heiðdísi á leiðinni. Guðný situr heima og lærir fyrir prófin sem eru að bresta á. Sólin skín hér inn um skrifstofugluggann. Vonandi verður þessi fyrsti sunnudagur í aðventu bjartur og fagur og léttari fyrir litla ljósið okkar en gærkvöldið.

frh. í næstu færslu.

 

Athugasemdir

[Hafdís Joð. (IP-tala skráð) 2.12.2007 kl. 12:40]

Já, vonum það svo sannarlega að dagurinn verði betri hjá henni. Mér finnst hún vera MJÖG dugleg og ég er klár á því að hetjan hún Heiðdís verður farin að ganga út ganginn næsta verkjalus í vikunni.

Guð gefi ykkur gleðilegan aðventudag.

Bestu kveðjur úr Firðinum.

[M (IP-tala skráð) 2.12.2007 kl. 12:51]

Gott að heyra að aðgerðin gekk vel
Baráttukveðjur

M 

[Hanna Dóra (IP-tala skráð) 2.12.2007 kl. 15:31]

Hún er sannkölluð hetja hún Heiðdís, rosalega dugleg.  Sendum henni okkar allra bestu baráttukveðjur og vonum að verkirnir fari að minnka hjá henni.

Aðventukveðja til ykkar allra.

Hanna Dóra og co.

[Guðmunda Ingim (IP-tala skráð) 2.12.2007 kl. 22:16]

Heiðdís, þú ert algjör hetja, stendur þig rosalega vel. Baráttukveðjur.

Guðmunda og co.

[Greta Birgisdóttirt (IP-tala skráð) 2.12.2007 kl. 23:30]

Elsku Heiðdís,Gúnna og fjölsk  gaman að heyra  að aðgerðin hafi  gengið vel. Takk fyrir að fá að fylgjast með  og sjá myndirnar af Heiðdísi. Hún  ert flott stelpa. Sendi baráttukverðjur.

Kveðja Greta.

[Gúnna, 2.12.2007 kl. 23:38]

Takk kærlega fyrir góðar kveðjur og óskir. Við kunnum svo sannarlega að meta þær.