Aðgerð búin - líðan eftir atvikum góð

Þessi orð eru rituð í aðstandendaherberginu á Barnaspítalanum.

Aðgerðin búin og ALLT GEKK VEL!

 

Við foreldrarnir mættum með Heiðdísi klukkan 7:20 í morgun. Aðgerðin var framkvæmd um tveimur tímum seinna og gekk í alla staði mjög vel að sögn Bjarna læknis. Skvísan var komin inn á vöknun um ellefuleytið og vorum við þar í um 5 klst. Hún vaknaði fljótt eftir svæfinguna og  var að vonum með töluverða verki. Átti líka nokkuð erfitt með andardrátt.

 Hér er Heiðdís að bíða eftir að fara í aðgerðina

                                                      Með Heiðlóu eftir aðgerðina

Það var yndislegur hjúkrunarfræðingur sem heitir Heiðlóa sem fylgdist vel með henni allan tímann. Um hálf fimm í dag var svo keyrt til baka út á barnadeild. Eftir að hafa verið tengd við allar þær slöngur sem henni fylgdu fékk mín ristað brauð og djús! Síðan þá hefur hún að mestu mókað. Finnur ansi mikið til, sérstaklega í kringum skurðina og fær með reglulegu millibili verkjalyf. Bringan lítur alveg ljómandi vel út.

Við mæðgurnar verðum hér saman i nótt. Pabbi er heima með systrunum. Meira síðar.

Athugasemdir

[Sesselja Fjóla Þorsteinsdóttir, 1.12.2007 kl. 00:14]

Hæ ! Hef fylgst með á blogginu þínu.  Æðislegt að allt gekk vel, var alltaf viss um það ! Hafið það gott mæðgur !

[Guðmunda I (IP-tala skráð) 1.12.2007 kl. 18:15]

Hæ hæ

Gott að heyra að allt gekk vel, baráttukveðjur frá okkur öllum, hjúkkuneminn minn sér ykkur kannski í vikunni, hún er að vinna eitt kvöld í viku þarna á barnaskurðdeild.

Kær kveðja frá okkur öllum

Guðmunda og co

[Guðbjörg (IP-tala skráð) 11.12.2007 kl. 17:01]

Sæl Gúnna mín, baráttukveðjur til ykkar allra frá okkur öllum í Lottóinu. 

Guðbjörg