Þá er komið að því

Fórum í morgun á spítalann í lokaundirbúning. Það var dregið blóð úr Heiðdísi og síðan kom Bjarni læknir og ræddi við okkur. Aðgerðin verður framkvæmd í fyrramálið, föstudag.

 

Við fengum að skoða stofuna sem Heiðdís verður á eftir aðgerðina. Hún er mjög ánægð með að fá einkastofu (við foreldrarnir líka). Ólöf deildarhjúkrunarfræðingur sýndi okkur aðstöðuna og er hún mjög fín. Stór og fín stofa með sófa fyrir aðstandendur til að sofa á, sjónvarpi og ýmsum afþreyingartækjum, td. DVD og playstation. Ólöf sagði Heiðdísi að hún mætti bara hreiðra um sig eins og hún vildi á stofunni, þá daga sem hún dvelur.

Heimsóknin í morgun tók um eina klukkustund. Eftir það  fór daman í skólann, að öllum líkindum síðasti skóladagurinn á þessu ári. Það er árshátíð hjá 7. bekk í kvöld og mín ætlar að sjálfsögðu að mæta! Bara fínt að hafa eitthvað fyrir stafni og dreifa huganum. Síðan tekur við fasta frá miðnætti og svo er mæting snemma í fyrramálið.

Næstu fréttir að lokinni aðgerð

Heiðdís lærði meðan við biðum

Tilbúin fyrir blóðprufuna

Dælt í nokkur glös

Bjarni skoðar Heiðdísi

Athugasemdir

[Fjóla (IP-tala skráð) 29.11.2007 kl. 15:21]

Megi gæfan fylgja ykkur á morgun og alla tíð !

[Ásdís (IP-tala skráð) 29.11.2007 kl. 16:41]

Dugnaðarforkur ertu Heiðdís -

veit að þetta mun ganga vel

 knús frá okkur á Bárugötunni

[Gúnna (IP-tala skráð) 29.11.2007 kl. 17:06]

Kærar þakkir fyrir góðar kveðjur.

[Ragna frænka (IP-tala skráð) 29.11.2007 kl. 22:39]

Hæ sætasta

Þá er stóri dagurinn á morgun, gangi þér vel engillinn minn. Ég sendi hlýja strauma til ykkar í fyrramálið. 

Stórt knús og kiss kiss

Frá Rögnu frænku og co

[Hafdís Joð. (IP-tala skráð) 29.11.2007 kl. 23:25]

Elsku Heiðdís mín, þetta verður sko búið áður en þú veist af og mikið samgleðst ég þér þegar þetta er allt yfir staðið og þú getur farið í sundið aftur. Þú ert svo dugleg stelpa finnst mér - vona að þú hafir skemmt þér vel á árshátíðinni.

Ég bið svo hjartanlega að heilsa mömmu og segðu henni bara að þetta verði sko allt í þessu fína - þú ert í góðum höndum og ég verð með hugann hjá þér í fyrramálið og við uppvakninguna.

 Kær kveðja,

Hafdís í Firðinum. 

[Hjalli & co (IP-tala skráð) 29.11.2007 kl. 23:33]

Gangi ykkur allt í haginn á morgun.

 kv

Hjalli & co

[Villi Kalli (IP-tala skráð) 30.11.2007 kl. 21:56]

Hæ, hæ

Heiðdísi þú er með góð og kröftug GEN þannig að þetta verður ekkert mál fyrir þig. Verður farinn að hoppa og skoppa áður en þú veist af!!!  

Óska þér alls hins besta. Flott hjá þér Guðmunda að blogga um málið.

Best kveðjur

Villi Kalli

[Gúnna, 30.11.2007 kl. 23:34]

Takk kærlega fyrir innlitið elsku vinir og vandamenn.